TIMU NNE ZA ULAYA ZINAZOMTAKA MBWANA SAMATTA SOMA HAPA KUFAHAMU

 

MSHAMBULIAJI wa kimataifa wa Tanzania, Mbwana Samatta anayekipiga klabu ya TP Mazembe ya Jamhuri ya Kidemokrasia ya Kongo, amepata ofa nne za kujiunga na klabu mbalimbali barani Ulaya.

Akizungumza na Tanzania Daima jijini Dar es Salaam jana, Samatta alisema nchi karibu nne zimemfuata na kuonyesha nia ya kumtaka, lakini bado anatafakari.

Samatta nyota aliyetimkia Mazembe akitokea klabu ya Simba ya Tanzania, alisema, tayari ameshautaarifu uongozi wake wa klabu yake juu ya ofa hizo, lakini wasiwasi wake ni nafasi ya kuachiwa kwake na timu hiyo ambayo bado ana mkataba nao wa msimu mmoja.

Timu hizo na nchi ziliko sitoweza kuzitaja kwa sasa, mambo yatakapokaa sawa nitaweka wazi kila kitu, si unajua tena. Lakini nina wasiwasi, sijui kama uongozi wa timu yangu watakubali niondoke kutokana na mchango wangu katika timu hiyo

alisema Samatta.

Aliongeza kuwa anawafahamu viongozi wake kuwa ni waelewa, hivyo basi wakati ukifika anamuomba Mungu amtangulie ili aweze kuruhusiwa kwenda kutimiza ndoto zake barani Ulaya

Source